“Ta dinë pacientët gjithçka që më kalon nëpër kokë, sigurisht që kurrë më nuk do vinë tek unë” me këtë fjali ngacmon Nikolla Ristanovski dhe personazhi i tij D-r Terziev me të cilën nis trejleri që pritet gjatë kohë për serialin e ri maqedonas “Në terapi”.
Trejleri zgjatë dy minuta, por definitivisht na tregon shumë për dyzet e pesë episodet që vijojnë. Shtrirja e gjerë e emocioneve, presioni dhe tensioni i pakalueshëm sigurisht që do të zgjojnë çdo ndjenjë përveç mospërfilljes. Si duket, në dhomën melankolike ku zhvillohen sesionet e D-r Terzievit dhe pacientëve të tij, pika më e ndritshme është llava llamba e tij, kurse më qetë notojnë peshqit në akuarium.
Nëpër kuadrot mund të shijohet performanca e një sërë personazheve të ndërlikuar dhe tregimeve akoma më të ndërlikuara nga jeta e tyre. Jelena Jovanova me sytë plot lot në rolin e Milenës shpalos ndjenjat e saja edhe figurativisht edhe në kuptimin e plotë të fjalës. Visar Vishka në rolin e Gentit dhe Dragana Kostadinovska në rolin e të shoqes së tij Zana gjallërisht paraqesin tensionin në martesën e tyre dhe janë shembull i përkryer se pas qeshjes, vjen qarja.
Angela Dimitrova në rolin e tinejxheres dhe notueses Ivana i kërcen të gjitha kërkesat për leje. Toni Naumovski në rolin e ushtarit Vllado qanë po aq fortë sa edhe që provokon. Në lot është edhe Amernis Nokshiqi në rolin e Ana Terzievës, e shoqja e D-r Terzievit. Kurse në gjithë këtë, zëri i vetëm i arsyes është Bedija Begovska në rolin e psikoterapeutit D-r Vera Arsiq.
“Në terapi” nis me emetim më 18 shtator në “TV Sitell”. Nëse duhet konkludojmë diçka nga ky trejler, ajo është se premiera duhet të pritet me padurim.